Nampak ea blog kito macam dah nak pulih ni, tapi masih ado komen2 yang hilang. Mungkin kono godam macam yg SSAK sobut atau mungkin ado yang tosalah colek punat ea somalam lalu tousik punat ponunggu guo!!!!!!!!!! lesek tangan...
Ghamai boto yang call ese somalam, tapi esepun tak tau nak jawab.. Diingatkan esok Kenduri nikah anak Rubiah di Kem Pertahan KL. Sapo yang sompek mohlah poie lebih kurang kul 1.00 tengah hari. Jumpo kek sanun, boleh golak2 sikit.
Jokiden
Jkd. punat tu apo, lamo sei tak nonga.. cubo trgkan kit... ado kgkwn lain yg tak tau tu.
ReplyDeletePunat ni TL bukan 'sunat' do, punat lobih kughang posawek atau bahaso baku ea swis ko.. ontahlah, bia NSR lah yang toghangkan..
ReplyDeleteJokiden
Ese tak do lesek tangan do...punat yg da di aja e kek anak yo ..yg se usik...
ReplyDeleteLAR... org kg sei ckp lesek tangan dapek utang ...lesek apo laei,..lupo plak sei.. sapo ingat tlg abihkan ayat sei tu...
ReplyDeleteJanganlah ado sapo2 yang boghani abihkan ayat LAR kek ateh tu. Buek tak tau yo macam buah apo dulu yang sumo oghang sogan nak nyobut ea aaa..
ReplyDeleteJokiden
Wei apo yng ko oghang cakap ni.. Tak ghoti an doh..
ReplyDeleteJkd, kesian LAR, sbb sei yg ckp tu, nanti maghah deh, sei tak tau do. yg sei tau punat tu ado kek bisol, bilo bisol tu dah masak, punat e molotup, klualah susu bosirap. masuk an dlm glas, campo air sikit peh campo gulo dan ambik sudu dikacau. pehtu kok dek kaulah. kalau toghigin nak jadik badang kikikik.(uwekkkk).
ReplyDeleteOntah he...apo Sarep ni tuduh se plak yg buek ayat ni...ni lah ni....lombu punyo poluh sapi dapek bau. Weiiiiii tak laghat se nak abih kan baco komen ISHS yg d ateh....loyo.
ReplyDeleteHai yolah, kul 3 pagi aa ese baghu balik daghi botugas Ronda Rukun Tetangga Taman sei, balik oghang ghumah dah tido, ese bukak blog kito... tengok dah boghubah wajah plak aaa, dah ado plak bughung toghobang..
ReplyDeleteSapolah yang tosalah usik punat laie ni...?
Jokiden
Tak ado tuduh LAR doh, ese ingat TL yg mulokan ayat "buah ..... nyamuk" tu, cumo ese posan jgn abihkan ayat yg LAR buek kek ateh tu.. kang kok kono hack laie blog kito ni aaa..Kih..kih..
ReplyDeleteNampak ea LAR bolun tido tu, ese kojap laie tidolah ni esok nak poie KL aaa..
Pongunjung Blog kito aaa 8833, sok sapo dapek jadi polawat yg ko 8888 ese boghi hadiah bosa.
Jokiden.
As-salam,
ReplyDeleteNak menyampuk ni....esei pukul 3 pagi dah tido, mimpi nak mkn nasi minyak jap laie...iyolah dah ado bughung toghobang lak...takpo..usik2 punat yg boto takpo...jgn toghus toghantung dah lah..tapi latar blakang yg cukup indah, toghang, seleso dan aman damai....tQ3..
SSAK
mintak mahap la. design yg dulu golap tulisan e, sei dah tuo, tak nampak amek doh. sei cubo toghangkan sikit.
ReplyDeleteAs-salam,
ReplyDeleteBoto tu pksedaro...esei setuju.....
SSAK
Laa dh ghamai oghang nulis kosan ee aa ese yo yang tk nulih...se dh 2 aghi tk bukak blog..sbb takut kok tosalah usik punat...se bukak2 yo lain macam yo ghupo ee banyak komen yang ilang..se takut kang silap usik kang kok langsung abih ilang tk tingga satu urup pun..sapo ado poi nikah anak rubi smalam...citolah skit aa..se nak yo nonga...se tk lopeh poi ateh sbb2 yang se dh tulih kek bawah posting invitation rubi tu..MD
ReplyDeleteAn tak ado usik punatt doh..An tak bosalah..Mariani keeh..Kalau tak pun Ah Shidd!!!
ReplyDeletePonyongek
Apolak kau tk ponah usik punat lak...tk cayo an doh, ni kau tulih blog ni kau dh usik punatlah tu...ayolah kau ni bee...co tanyo yang lain ...punat pun tk tau makno...ha ISHS nk lencong ko lainlah tuuu...MD
ReplyDeletePunat tu switch lampu kan Mariani? Itu yolah an tokan, lain2 tak ponah doh.. Sumpah...., lillah...
ReplyDeleteBee
Ese cadang nak buek kamus bahaso lamo kito. Tolong kito samo2 fikir kok ada lai bahaso lamo yang tercicir. Ni ha ese bg lagi bahaso klasik. Harap member dapek bagi makno dio:
ReplyDelete1. Bedahagi
2. Tekemama
3. Beguduk
4. Bejonang
5. Kolope
6. Poholek
7. Koporit
8. Melutap
9. Comporo
10. Nyonyeh
11. Ghunjai
12. Pamola
Harap pakar-pakar bahaso lamo boleh membantu.
MCC
Assalam.
ReplyDeleteEse setuju amek2 eteh dayosoho bang MCC tu utk buat kamuyh bahaso lamo kito tu ..cubo ese jawab kok samo/boto makno eh.
1. Bedahagi = Payah bonar
2. Tekemama = Tekojot borok, terkesima
3. Beguduk = (tau oghang makai eh..nak tulih eh tak ngoti camano)
4. Bejonang = lamo amek2
5. Kolope = ......kelope musang ese tau lah
6. Poholek = (tongah mikir'an ni)
7. Koporit = Jahat / Naka amek2
8. Melutap = menumbuk oghang / menalo
9. Comporo = suka ria. Selalu eh mandi sungai/ bonda
10. Nyonyeh = rumit / leceh kojo eh
11. Ghunjai = tinggi macam pengolan
12. Pamola = kelakar
Ese tambah laie ni.. kok buleh pakai
- goyeh = goyah
- loho (meloho)= bosa.
- ngoreh, (ngo gheh) - (susah nak tulih..= cth daun gotah ngogheh, ghambut ngogheh
- gheboyh = seluar oghang bosa bila dipakai kek bebudak nampak ngeboyh.
- ngumba = undur
- ngogoh (mengogoh)= macam borok mengogoh dahan bila nampak oghang tino
- berdoghuyh = cth- tapak kaki terpijak paku, berdoghyh masuh'eh
- semumeh = comot
- okap = tamak
MD - ese ni tak koncang oghang'eh doh.. suko ngikut yo... kok jadi bughung ese ni tak bulih jadi pemikat doh..sobab eh tak koncang. Tompi memikir'an kok tak koncang copek kono semolih, konolah buek2 koncang..NSR
Hai yo 'poholek' NSR tak tau ese yang 'modam' nia ha tau makno ea iaitu ponakut=poholek. Nyonyeh ni maksud luak, tak nyonyeh sikitpun=tak luak sikitpun
ReplyDeleteJokiden
baghu ese teringat balik hah.. peghasaan ese renyeh.. ghupo eh nyonyeh. Semuo eh nyeh nyeh nyeh yo... macam oghang tua tak begigi makan joghing cambah yo...NSR
ReplyDeleteTk po NSR, kolo kau tk koncang ke luar, kau koncanglah dalm blog ni...janji ramai kawan, kok koncang bona cakap moghapu tk yo goma oghang doh..ko nk moghapu, moghapulah kek sini...nilah tompek ee kito nk lopehan perasaan. kok salah pun abih abih oghang komen balik..kalau kek luar ckap salah sikit kang ditinju dek oghang...paghah deeh.... eh dh meghapu lak se dah...MD
ReplyDeleteYolaaaah..MD. Sebonar eh ado duo tiga komen yang hilang aghi tu.. tak sompek nak mbaleh eh.
ReplyDeleteEse teghigat balik pasal 4 anak dagho koghu buek show dopan pengantin tu. Budak permaisuri yang disobut tu. Ese kawan dengan dio tu. Samo sekelas dulu.
Lagi satu..baghu teringat Rodziah Ismail..ghumah eh sebolun sampai kodai simpang ko atau lopeh sikit..cam tulah. Dah 34 tahon. Kok jumpo tak kona laie doh gek'eh...
Blog ni ese lawat paling kughang 2 kali seaghi. Pagi. Potang. Dah... nak beghontilah ni..NSR
apolak kau nk boghonti nengok blog..kau dh muak ko...budak roziah tu ghumah ee ateh bukit, solopeh ghumah LAR, adik saadiah kan...dio dh ado 2 menantu, dh bocucu dah.., suri ghonah pun dh ado cucu.oookau sobayo dio ko..MD
ReplyDeleteDah BorCUCUUUUU.....UMANGG Ai..Yolahkan, cuaco bolah ulu jompol tu ese tahu bonar,,memang sojuk moamek..copek beranak pinak eh...
ReplyDeleteAdo laie soghang budak koghu Fauziah Deli. Kamcing maso sekolah lu ngan dio tu. Dah bercucu yo gek'eh. Pak We dio dulu pun kawan kito kito yo, Rahman budak seghoting tongah.
Tak soba ghaso eh nak bercucu pulak..buleh lawan kawan kawan lamo...hik hik hik
....NSR......
Fauziah Deli tu adik YB shamsul budak ulu koghu..ontah mano duduk ee gaeh..tahun maghin ado skali jumpa kek pasar tani bt kikir...lopeh tu tk do jumpo lai do..tk nonga koba ee lai doh MD
ReplyDeleteoooooooo cam tu.
ReplyDeletetengoklah sok, bilo sonang ese ngayaulah kek pasar tani bt kikir plak, mano tau kok ado joki jumpa kengkawan lamo..NSR.....
maso cuti skolah poilah menghayau kek pasar tani tukikir tu...kekadang ado joki jumpo kengkawan yang botaun tk jumpo sampai dh tk kona lai..dio yang togo dulu konakan dighi..tokojut boghuk dibuek ee.. ese mang goma poi boli sayur kek situ.. customer somo oghang Melayu,..ponjual kodai tukikir tu ghamai yo cino, tapi yang ngayoan dio Melayu, kekadang ado toke cino yang sombong, tompi oghang Melayu gilo yo poi kodai cino...MD
ReplyDeleteTu le deh nasib oghang kito ni...kok baco cerito2 cerpen lamo sebelum perang atau hikayat abdollah munsyi pun..memang tulah ghupo eh dari dulu..
ReplyDeletejaman kito sekolah dulu, ghamai oghang tak tau maco..sekarang ni kebanyakkan oghang tua2 sumo dah ghoti..tompi...ontahlah.. Cino kek Bt Kikir tu buleh bangkrap kok kito bersatu.
Abah ese dulu ceghito(tahun 40/50an kot), pokan padang lebar tu bosa. Kodai omeh pun ado. Cino bekodai ghamai ke situ.. lopeh tu ..(seingat ese pun)..mano ado cino kek situ laie. Sobab'eh...oghang kito besatu...NSR...
Buai laju-laju,
ReplyDeleteTosangkut kek pokok sena,
Moh poie boli baju,
kek mano? kek kodai cino.
Hahahahahah!!!!!!!!
Jokiden
Buai laju-laju
ReplyDeleteTosangkut kek pokok nio
Meh kito bosatu
Kito pulaukan kodai cino
Buai laju-laju
Tocampak ateh kegheto
Meh kito bosatu
Kito kayokan peniogo kito
Anak Ayam dalam ghoban
Anak gajah poi Port Dictson
Bilo kengkawan nompoh S'ban
Jangan lupo makan kek kodai Jokiden
..MD
Kak Cik...apo d buek dek anak gajah poi Port Dickson...mandi laut ko.
ReplyDeleteLAR,
ReplyDeleteAnak gajah poie Port Dickson,
Jatuh pulak dalam jamban,
Pueh pulak nak ngoluakan,
Ado oghang nompoh somban singgah kodai den,
Tapi tak makan sobab nak jago bodan,
Minum yo itupun air suam
Kih...kih...kih...kih...kih... goli ati den.
Jokiden
Iyo LAR..anak gajah pun nk mandi yo..maklum boda bosa...dogheh yo tobau ee kalau tk mandi kih kih kih...
ReplyDeleteJokiden...
kalau makan bia sikit
boghonti sobolum konyang
poghut jagan buncit
Bodan jagan kombang
Lombu nak kono somoleh
ghamai ghamai poi ngojar
hongeh hongeh sampai lolah
ngonangan ayam kampong goreng air liur meleleh
apo nak buek bayak kojo lain nak dikojar
minum air suam yolah...