1. REBUNG GORENG
Bahan-bahan :
a. Rebung masam - anggaran 2 ringgit.
b. Ikan bilis
c. Lada api dalam 10 biji ditumbuk kasar.
d. Sedikit bawang merah dan bawang putih.
e. Sedikit serbuk kunyit
f. Sedikit garam
g. Minyak masak.
Cara memasak :
a. Bersihkan dan toskan rebung.
b. Panaskan minyak - bila minyak dah panas tumis bawang dan lada api.
c. Bila terbit bau masukkan ikan bilis. (Maso dulu ikan bilis tak payah buang kepalo - tu yang sodap tu)
d. Masukkan rebung dan kacau biar rata.
e. Masukkan sedikit serbuk kunyit dan kacau lagi.
f. Kalau nampak kering masukkan sedikit air.
g. Masukkan garam secukup rasa.
h. Bila rebung dah masak angkat dan hidangkan.
Ingatan : Sedap dimakan masa masih panas dengan ikan masin takuk atau ikan gonting goreng. Lobih selero kalau ikan masin tu di bakar.
Jika anda nak sesuaikan dengan selera masakini bolehlah gantikan ikan bilis dengan udang bosa longan dan campurkan dua sudu sos tiram masa menumis. Selamat mencuba.
2. GORENG KELAYAU BERTAUCU.
Bahan :
a. Secekak kelayau. Anda kenal kelayau? Kelayau ialah sejenis tumbuhan yang banyak tumbuh dalam sawah. Rupanya se akan keladi. Dulu maso kocik kalau tak ado lauk mak saya selalu suruh saya cari kelayau kek sawah.
b. Ikan bilis jugak . Juka kalau nak ikut macam dulu tak yah buang kepala.
c. Cili api. Mana boleh tinggal kan. Itu dah identiti kito orang nogori.
d. Dua sudu taucu
e. Dua ulas bawang merah dan bawang putih
e. Sedikit minyak
Cara :
a. Panaskan minyak dan tumis bahan.
b. Bila naik bau masukkan taucu dan tumis sampai naik bau lagi.
c. Masukkan kelayau dan gaulkan dengan bahan yang ditumis.
d. Bila kelayau dah layu angkat dan hidangkan.
Peringatan : Jangan tambah garam kerana tauchu dah masin.
Jangan cari kelayau kat pasar tani, pasar malam ko tontu tak jumpo.
Kalau nak cubo kono cari sendiri kelayau kek sawah.
Kalau dah cubo tolong bagi komen samada ok ker tak menu ni.
ISMAIL@CHANG CAPIT
Publish Post
ghobung memang sodapp.. bau ee molokek. lopeg mkn jago2 jgn semdawo..oghap pun bau ghobung.
ReplyDeletekelayau pulak lbh kughang ngan renjer. bezo ee kelayau lombut daun ee.. renjer kogheh. berhati2lah.
kelayau ni bukan ko yang macam daun kadok tu..? yang buek sambal tompoyak tu. ese dah tak sure, tapi dulu memang solalu ghobus kelayau ni. Apopun Bang Maei oii kalau ado sambal ghesek, campur sikit ikan bilih campur tomato dan poghah asam limau laie sodap!!!!!!!! menu tu.
ReplyDeleteMSA
Terima kasih menu yg Bang mael bg ni, kedua2 bahan tu memang kegemaran saya, tapi kalau ghobong boleh dpt kar mana2, pasar atau pasar mlm, tapi kelayau ni payah dah nak cari, sawah pun koghing kontang maso ni.
ReplyDeleteAbg Sarep ni polupo bonar, mano lak kelayau mcm daun kadok....hehehe, bang mael komen ckit MSA ni....
SSAK..
Renjer tu..askar renjer ko..kik kik kik agak ee daun ghenje yang disobut dek omak se zaman maghin..ntahlah se pun dh tk kona camno rupo ee, sawah pun dh tk do dh ganti klapo sawit..camno nk cubo resepi abg cangcapit ni..mano nk cari daun renjer tu..at last goreng kangkong jo lah...
ReplyDeleteMD ghenje lah tu..sei sajo sobut renjer (bahasa halus) hehe..
ReplyDeleteEse ghoma lauk ghobung tp ghobung goreng ni tak ponah lak se ghaso doh. Kalau gulai lomak cili api tu, kono lak mo daging koring....memang sodap. Kelayau ni ese kona sobab Uwan se tunjukkan maso se kocik maghin bilo nolong dio ke sawah. Tapi tak tau lak se yang kelayau buleh dimakan. Uwan se cakap kelayau ni gata. Tp se sughuhlah bini se buek. Dah ghaso sok ese komen.
ReplyDeleteKelayau ko, renjer ko, duo2 ese tak kona sobab baghu haghi ni ese nongar pokataan tu....apo pulak ese tak ponah dongar ha??....uwan ese ado gak sawah, apo pulak takdo dio monyobut2 kelayau dan renjer tu...
ReplyDeletePucuk paku adolah ese ponah makan....sapo2 yg dah jumpo kelayau dan renjer tu, tolonglah ambik gambar dan lotakkan kek blog kito ni ah...dapek ese nengok...kesian kek ese tak kona kelayau dan renjer.....maso kocik2 dulu ghaso ey duduk kek joseh bukanlah duduk kek london...hehe..
Alahai... banyaknya kengkawan yang tak kona atau dah lupo kelayau. Siti Normah kalau balik Joseh poi kek sawah ompang bangkung tu mintak tunjuk kek Rashid tontu dapek.
ReplyDeleteTapi kan kek Kodah banyak sawah. Carik jo lah kek situ. Nak dapek banyak mano pun bulih. Kelayau ni banyak tumbuh bilo padi dah mulo nak se jongkal panjang.
Ghenje pulak abang pado kelayau. Rupo ghenjer lobih kurang rupo keladi bunting.
Alahai... banyaknya kengkawan yang tak kona atau dah lupo kelayau. Siti Normah kalau balik Joseh poi kek sawah ompang bangkung tu mintak tunjuk kek Rashid tontu dapek.
ReplyDeleteTapi kan kek Kodah banyak sawah. Carik jo lah kek situ. Nak dapek banyak mano pun bulih. Kelayau ni banyak tumbuh bilo padi dah mulo nak se jongkal panjang.
Ghenje pulak abang pado kelayau. Rupo ghenjer lobih kurang rupo keladi bunting.
Maso gathering ke 2 nanti apo kato kelayau jadi salah satu hidangan kito?
ISMAIL@CHANG CAPIT
Somalam bini se maghah kek ese bilo ese kato kelayau macam daun kadok yang buek sambal ledok tu, dio kato bukan... kelayau ni kocik sikit daghi daun koladi kateh dio.. nampak ea dio lobih kampung daghi ese.. huhuwaaaa!!!!! MSA
ReplyDeleteEse ponah donga kelayau tp tak ponah lak buek gulai..toghatai adolah...nak tau pulak macammano buek lempeng sagu dri batang sagu yg racik2 bagi ayam mkn tu..sodap..lagi satu ..joghing basau..amik joghing tuo. lambuk bukit bolakang ghumah tu..tanamkan dlm sominggu,,lopeh tu gali somulo..basuh..buek lah ulam atau d goreng..moghosik bilo d kunyah..suatu maso dulu..uwan se tanamkan..minggu dopan e tu..bilo dio gali ..tengok2 joghing e dah losap..ghupo e cucu e yg mongomut tu dah kojokan joghing tu tak sompek basau..
ReplyDeletePagi smalam se poi jauh blakang ghumah se (maghin kek situ sawah, skarang hubby se dh buek kolam) se caghik2 kot ado batang klayau ko ghenje ko dalam kolam tu. sblom poi se baco 11x bismillah (sarep ajar) biar dapek ghenje nk cubo resepi bang mae, pueh nyebak2 kliling kolam..kosan ee pun tk do, mano poi ee, dh pupuih gaeh..nampak ee tk ngasolah goreng renjer doh, nak buek goreng joghing basau resipi LAR lak tk do yo joring ee, tk do musim. CTN kono poi ko kampong2 kek Kodah tu carik klayau dlm sawah org kampong tontu ado
ReplyDeleteISMAIL@CHANG CAPIT mano nak carik ghenje dlm pokan.. nk buek salah satu menu 2nd reunion, tk dapek tukang masak tu nk buek an do..kalau mcm tu ISMAIL@CHANG CAPIT jo lah yang balik kg jap carik renjer/kelayau bagi kek tukag masak buek goreng, sbb ISMAIL@CHANG CAPIT yo yag kona dua bahan ni.. jgan marah yo..tk dapek den nk nolong ee do
ReplyDeleteAssalamualaikum!
ReplyDeleteTiap kali masuk ese boghi salam..cuma kalau ese konaan diri pun tak mungkin kalian sumo kona kek ese. Tapi ese raso bahgio dapat nompang kek sini. Semua entry ese akan dapek sobo sikit pengonaan diri..isyaAllah. Lamo lamo konalah..kok kona lah..tapi Tak mungkin kona doh..kok kona ado dua orang yo dalam blog ni yang MUNGKIN kona..mungkin!
Masa ujung 70an dulu, lopeh sekolah ese kojo di KL.. satu malam kawan ese (sekampong) ajak ese poie pasar malam. Tiba tiba ese tegamang bosar..ado oghrang jua renjer. Ese boghi tau kawan ese tu..
"kek kampung kito..babi yo yang makan renjer ni."
Kawan ese tu tegolak godang.Memang dikg. kito oghang tak pandai makan renjer. Topi misti ado oghang makan renjer..kok tak buek apolak ado oghang jual?
Lamo lamo ese nikah..
Satu aghi klorgo bini ese datang ziarah..ese tingga di Kg Melayu Subang maso tu. Lopeh tu dio oghang ngayau kek keliling kg. Bilo balik dia bowak seboban renjer..ese tanya "nak buek apo?" Keteh dio eh nak makan lah..Ese diam yoo..nak kato kek kg ese, babi yg makan kang, kok kocik atilah.
Time makan tu, ese tak makan doh, bondo tulah. Tapi mak mentua ese suruh cubo..ese ghaso sikit..UMAngg aiii...SODAP GHUPO EHHH.Bedoghrup-doghrup. Torus tambah nasi..Kah Kah kah.
Caghro masak eh, macam yang abang Mail ajar tulah.Sebijik. Tapi RENJER bukan KELAYAU.Cumo renjer ni kono cholor dulu..buang gotah ehh. Kelayau ni maso kocik dulu kek Bayai, maso musim merumput padi, ambiklah kelayau dalam sawah tu..masak lomak lado api..sodaap.
Orghang baik macam abg/kakak ni susah nak kona..asyik maco buku yo..Ese ni polosit/Keporit. abih tanah lanar ni ese jelajah.
Ese dulu tak pangge Kelayau doh.. topi Kolinglayau. Ese selalu koba'an kek anak anak ese..KOLING paling banyak kek NS lah. Dia orang kato kek negori lain pun ghamai yoo KOLing..
Keteh ese NS lain banyak..KOLINGLAYAU, KOLINGGATO, KOLINGKIAK, KOLINGKATU, KOLINGMAYA, KOLINGKABUT dan campur KOLING yang sedio ado..ghamai tak? GHAMAAAIII..keteh dio.. semua setuju.
Skang ni dah susah nak jumpo kelayau. Sumo eh tanam klapo bali. Selebar lebar eh sawah kek Majau sampai ke Topak sampai Koghu...sambung Joghojak..daah tak ado sawah padi. Gholit, Ghocang dah lamo tanam pokok Dian. Lamo dah tak balik kg. Last 7 tahun lopeh..pak cik ese meninggal, kek Toghontang..itu pun sosek..
OKLah nak poie Masojid..Jumaat..aghi ni kobar eh, tazkiroh sbolum jumaat ado Ust dari NS..Ust Azman Abd Halim. Sonang paham dio ni ngajar. Bahaso dan caghro eh,ikut loghat NS.
Wassalam..
NSR73/77
ADINDA NSR... timo kasih kerana bagi komen yang panjang lebar tontang posting abang tu. Memang betul ado tompek sobut kelayau dan ado tompek sobut kolinglayau. Tak apo asalkan bondo ea samo. Amboi kau lobih hebat dari abang. Kau dah raso ghenje tapi abang lom lai sobab yang kau kato tadi la.. Tak gamak lak nak makan. Lopeh ni abang nak bagi kengkawan kito surprise lai. Nak bagi resepi kaww punyo .
ReplyDeleteISMAIL
haa. tu dio adik nsr.. sei nak boghi nasihat skit..jgn sobut2 k....layau, k...kato,n byk2 k.. g. sensitif. member sei dah kono kek interlok dah. sok kok konolah nsr mcm interlok.dio org tu ghaso bosa dighi dah, sbb kito tak bosatu.
ReplyDeleteGulai lomak pisang masak
ReplyDelete{goo samba gesek]
Ese nak yo nompang bagi resipi oghang dulu2.res.buat persediaan kalau kito da x do gigi sok. Tp maso se kocik dulu kalau uwan se buek gulai ni..se boghontak sampai nak ghuntuh ghumah. Se cakap "Uwannn..ni bkn gulai ni do..tak do ko bondo ;lain nak buek gulai" tokobil2 yo mato uwan se..maso tu koluargo se solalu yo koputusan brg makanan..al maklum lah duduk kg..nmpak e gah..anak toke Ghoman..tp hakikat e..kodai tu lah yg monanggung 22 mulut untuk d boghi mkn..sampai kadang2 tinggal dinding yo..ok lah.. baco dongan berhati2 resip. d bawah..kalau salah buek tak jadi
1.satu sikek pisang kolek masak[potong2]
2.satu mangkuk santan
cara: ghobuih pisang dngan santan, tmbah
garam.Dah siappp.[klau suko tmbah
ckit bawang n ikan bilis]
*kalau buek banyak..d jamin 3 suku dari gulai ni poi dlm longkang. Baru2 ni dek se tokonang kek arwah uwan se..se cubolah buek resip ni mkn dongan samba gesek..yg se tak sontuh maso se kocik2 dulu...YA ALLAH..sodap ghupo e..dio ado ghaso tersendiri..patutlah uwan se slslu buek..tokonye2 dio mkn soghang ..oghang lain sumo maghah bilo dio buek gulai ni..Al Fathihah untuk arwah2 kesayangan kita yg tlah pergi dulu meninggalkan kita..yg menyayangi dan membelai dan mendidik kita.
LAR..sorry yo nk tanyo sikit..kalau pisang masak dibuek gulai lomak putih tak ko manih ghaso ee..kan pisang tu dh manih...tambah santan..macam pongat pisag lak..tapi kalau tambah bawang ngan ikan bilih sodaplah ghaso ee tu..lomak lomak manih..
ReplyDeleteSdr. NSR dh 7 thun tk balik kg..tak ko tkonang kampung halaman..sdagho magho..sahabat handai..istri oghang mano..bukan oghang NS ko...agak ee istrinya orang luar NS, patutlah tk balik2..kalau ada sdara mara yang meninggal dalam masa 7thn tu camna..kenduri kawin anak2 sedara ke sahabat handai ke.. sorry ye busybody lak se ni..gurau2 yo...MD
MD gulai lomak pisang masak ni utk org tak bogigi.(tak lamo g sampailah zon kito tu)..sonang ngunyah ee. tapi kalau campo ikan masih bkn main sodap do.(ikan sopat masin..umang sodap boto) tanyo bang maei tu. ikan takuk masin pun sodaaapp, tak cayo tanyo ruby (dah lamo tak nonga komen dio dah) agak ee tido..nyonyak (bokoghuh) pancing ngan gagham elok tu .
ReplyDeleteMmg lah manih Kak Cik..tp bak kato Kanda tu..untuk oghang tak bogigi..gulai tu mcm tu lah seadonya..tak dapek se nak noghangkan lai doh..gulai tu pun tak cantik do..nmpak e pun tak bosolegho..tp ghaso e boleh tahan.
ReplyDeleteSei ponah makan gulai lomak pisang masak ni, tp tulah sekali. Lopeh tu bilo sobut nak muek ee, se cakap tak payah lah. Pisang ni sodap buek pongat yo. Bilo digulai dan dihidangkan dalam piring tu...pisang masak ni tojelo yo dalam pinggan tu, tu yang tak jadi nak makan tu.
ReplyDeleteSapo pulak nulih kek ateh tu? yang solalu lupo nulih namo ni Shidi... Ese pun samo, pisang masak buek pongat guno pulak gulo anau oooomang sodap ea!!!
ReplyDeleteJokiden
Po pulak yang diheghankan pisang dh dimasak tojelo dalam pighing...tk jadi makan lak...bughuk na ko ghupo ee atau ghupo apo.. kalau tk sampai ati ak makan ee dek ghupo macam tu koghek kogheklah dulu..baru gulai..kalau makan sambil ati ingat yang lain yolah..tu sobb ee kono koghek dulu..hik hik hik
ReplyDelete